2012年3月14日 星期三

Draw Something


DRAW SOMETHING, 除左可以考下你畫功,運用一下火柴人公仔,畫左鐵達尼隻船和肯德基叔叔請靠邊站!Because it’s just a game

讓你知道朋友間的默契和朋友了不了解你外,甚至可以毫無默契根本都唔你畫緊咩咁按PASS

LUNCH TIME 既時候大家都人齊,吹水時間又黎啦!    
我問:「係喎,我畫O個幅你睇唔睇得明?」
同事A:「唔好提啦,你唔覺我無再玩咩?」
我問:「WHY?
同事A:「都唔知你畫咩」
跟住show左我畫既一個男仔指住個鼻同指住女仔既頭髮。

唔明顯咩?答案呼之欲出-nose hair!好明顯就係佢問題啦,哈…

同事A繼續無奈咁問:「好!咁呢幅呢?我真係唔知答案囉,畫到成舊擦膠咁!」
同事B:「Well, 個答案係擦膠嘛,你想我畫咩呀咁?!」

好明顯成件事代表左我地係毫無默契!
到底要估佢唔到好呀、估朋友既表達能力有幾差好?!
十萬個為什麼?哈…

2012年3月2日 星期五

無聊對話


友人經過 POLY U,有一個學生走過來說:「你好,我地舉行緊…」

因為友人不是POLY學生,正想說解釋和跟他說聲不好意思之際,記住她只是講出:「唔好意…」,他已經一支箭的跑走了!

我聽到呢度,我就話:「好現實者,又無禮貌!而家D 90後應該學下禮貌嘛,只係懂書本上既文字並唔學識人際關系咁點同人溝通呀?!」

友人都同意,不過重點係原來佢仲好童顏都可以被誤會成90後,呵…

其實聽別人講完先發表自已意見或者轉身離開都叫一種尊重,大家可以有唔同既文化同背景,但我認為最少要懂得尊重別人!

2012年2月28日 星期二

飯局~DINNER TIME


好朋友剛成為空中小姐,覺得很不順利既時候,作為好朋友當然要聽聽她的苦惱,然後把壓力化為食量,食光!!哈

食飯其間當然要閒談幾句,我話:「間Airline派你去寧波,真係咩都無得買,我淨係諗到寧波湯丸!」晌我個腦度永遠都係諗住Physiological Needs,即係最重要都係食同睡覺,然後Miss P話:「寧波?寧波我淨係諗到春麗,佢唔係叫寧波春麗咩?!」

**無言,唯有一片笑聲中帶過左呢個話題…第一,因為無人知春麗係唔係叫寧波春麗;第二,我地大家個腦真係唔知裝咩囉!**

然後,大家又suggest不如一齊去旅行呀?不如去12月韓國啦!Miss L話:「韓國好凍喎,我去過呀!不過太凍幾乎咩都無買就反黎,同埋我係唔用韓國野囉!」

Miss P話:「係啦,你淨係用日本野嘛!但係韓國D MASK通街派喎,仲可以拎好多SAMPLE添!滑雪都幾好玩呀!韓國有好多BRAND架,好似SKIN FOOD黑糖磨砂面膜我用完好有光澤仲一D都唔乾架」

哈…最後Miss L 非。常。同。意。!因為佢去到韓國淨係買紫菜同SKINCARE,記得佢咪話唔用韓國野既,佢齋買到而家差唔多成年都未用過囉!所以作為好朋友當然幫手分擔下,幫手用左佢啦!

晌無數笑料下,將壓力化為食量,清枱了…